ВАЖГОРТЫН АСЫВ

Еджыд платтьӧ пасьталас шонді кытша асыв,
Турун вылӧ войтӧдас сӧстӧм синва рӧч.
Но а йӧзыс шуасны: лысвааліс асы,
Ен ань синва кисьтӧма, видзӧд, кутшӧм сӧдз.

Пуксяс еджыд лэбачыс, кокалыштас сійӧс,
Лэбас аслас ыліӧ югыд ваӧн пӧт,
Нуас юкмӧс асывлысь еджыд морӧс пиас,
Аскӧд бӧрсӧ вайӧдас шызьӧм лэбач рӧд.

Лыдтӧм-тшӧттӧм воасны менам ӧшинь улӧ,
Ӧти здукӧн юасны маа васӧ скӧнь.
Енэж соддзас шондіа кадыс кодыр сулӧ,
Чепни горысь жугалӧ лов косялысь лӧнь.