КРУЖОКЪЯСЫН КОЛӦ УДЖ НУНЫ БОСЬТЧЫНЫ СТАВӦН

Позтыын (Кулӧмдін уезд) зэв уна кружокъяс да организацияяс, сӧмын тай некутшӧм кружокын удж оз мун. Тӧвнас нин воссьыліс сельскокӧзяйственнӧй кружок, да эз на сэні вӧвлы некутшӧм сёрнияс. Кружокӧ гижсьылӧмаӧсь мужикъяс да, шуасьӧны нин: ми пӧ тай тӧвнас нин гижсьылім да, нинӧм эз лолы-а.

Эм кружок безбожникъяслӧн. Сэні сідзжӧ кольӧм тӧвсянь уджыс сулалӧ.

МОПР ячейка весиг на ӧтчыд ас йывсьыс эз висьтавлы крестьяналы. Крестьяна оз на тӧдны, мый сійӧ МОПР-ыс лоӧ. Доброхим йылысь нинӧм жӧ оз тӧдны.

Тайӧ ставыс избач вылӧ надейтчӧм понда. Дерт, тайӧ абу куш избачлӧн уджыд. Колӧ ставӧн босьтчыны татшӧм удж бердӧ.

Мунысь.