ВАРТІСНЫ НЯНЬ МАШИНАӦН

Казялісны бурлунсӧ машиналысь

Волсяын (Сыктыв уездын) потребобщество ньӧбӧма 400 шайтысь вартан машина. Машинанас уджавны тшӧктӧма Германияӧ пленӧ сюрлӧм мортлы Опош Гришлы. Сійӧ ассьыс няньсӧ ставсӧ вартіс машинаӧн. Йӧзыд аддзылісны машинанад вартӧмтӧ да быдӧн кутісны корны сійӧс ассьыныс няньсӧ вартӧм вылӧ. Вартісны 25 кымын крестьянин.

Йӧз казялісны машиналысь бурлунсӧ, шуасьӧны: ми пӧ рынышын вартам няньтӧ вежон кыкӧдз, тайӧ пӧ вартыштіс ӧти лунӧн. Оз пӧ ков рынышӧ сюйлыны, оз ков шупӧдчыны, повны нянь сотчӧмысь. Машинаыдлы ӧткодь кос кӧть уль няньыд, сӧмын шырзьӧ.

Йӧла.