ВЕЛӦДЫСЬЛЫ КОЛӦ НИН ГӦГӦРВОНЫ

Волся вӧлӧсьтувса Велпон сиктын (Сыктыв у.) таво воссис выль школа. Сӧмын велӧдысяс сэтчӧ пуктӧмаӧсь зэв ен тӧдысь мортӧс — Макарьинӧс. Сійӧ зэв на тӧдӧ вичко праздникъястӧ: сентябр 21-ӧд лунӧ мукӧд Волсяса школаын лунтыр велӧдісны, а сійӧ ӧтнас эз волы школаас, да ещӧ ӧд шуӧ: мыйла нӧ пӧ талун школаясас велӧдӧны, абу ӧмӧй пӧ талун пречистӧй богородичалӧн чужан луныс? Ме чайта, народнӧй учительыдлы абу нин лӧсьыд быдсяма богородичаястӧ тӧдны да сы вӧсна школаын не велӧдны. Татшӧм велӧдысьястӧ школанад заведуйтны пуктыныд водзӧ кежлӧ оз ков.

П—ш.