ПОЗТЫЫН (КУЛӦМДІН УЕЗДЫН)

Сӧветӧ бӧрйӧм муніс сентябр 26−27-ӧд лунъясӧ. 26-ӧд лунас вӧчисны Баяр сиктын. Баярса крестьяна ёна шуасисны со мый вылӧ: сиктын пӧ некутшӧм югдӧдан удж оз мун, колӧ пӧ кӧть восьтыны школа. Позты вӧлӧсьтын вӧлі сӧветӧ бӧрйӧм сентябр 27-ӧд лунӧ. Йӧз вӧлі 37%. Сӧветӧ сюри кык нывбаба. Сӧветас бӧрйысьӧм уджсӧ нуӧдны воліс уездысь Потапов ёрт.

Вӧлӧсьтса съезд медся ёна шуис бурмӧдны потшӧсъяс, мед пӧ локтан во татшӧм потшӧс эз вӧв, черань вез кодьыд. А то таво пӧ ёна скӧт таскайтіс. Исполкомӧ юралысьӧ бӧрйисны важсӧ — Худяев ёртӧс. Секретарӧ пуктісны

Изъюровӧс (кандидат РКП). Исполкомлысь удж ошкисны.

Шленӧ сюри сідзжӧ тӧлка ветлӧм-мунӧм морт Баяр сиктысь.

Мӧда-мӧдлы отсасян комитетлысь удж сідзжӧ шуисны бурӧн: гожӧмын сетавлӧма няньяс вермытӧм йӧзлы водзӧсӧн, шыр сёйӧмысь видзӧма.

Комитетӧ юралысьӧ пуктісны сійӧ жӧ Худяевӧс. Шуисны, мед пӧ Худяев ещӧ бура лӧсьӧдас комитетлысь уджсӧ.

№ 50.