КОМИ ТЬӦТКАЛЫ ДА ДЯДЬӦЛЫ

Лудік бырӧдӧм йылысь

Миян коми крестьяна зэв ёна норасьӧны лудікӧн да мукӧддырйи некыдзи оз вермыны сійӧс выймитны. А позьӧ кокньыда найӧс бырӧдны. Сӧмын со мый колӧ вӧчны.

Сывдыны тасьтіын (позьӧ и кринчаын) би ӧгыр водзын шонтӧмӧн пунт джын (½) майтӧг, пуктыны сэсся куим стӧкан ва; джынвыйӧ кӧдзалӧм бӧрын содтыны пунт четверть (¼) скипидар да 2−3 пань карболовка (весалӧм) кислота да гудравны кӧдзавтӧдзыс. Тайӧ лекарствонад зыравны-мавтны бордйӧн ли мыйӧн ли пӧлатьяс, крӧватьяс, лабичьяс, пызанъяс, стенысь костъяс. Вольпась, джодждӧра да сэтшӧм мукӧдтор медбур мавтны со мыйӧн: ӧти тув карасин, тув четверть скипидар да 3−4 пань весалӧм карболовка кислота.

Со кутшӧм зелляӧн колӧ бырӧдны лудікъяс. Та бӧрын оз нин ков сэсся шогсьыны лудік бырӧдӧмысь.

Крестьяна! Коді матайтчид лудікӧн, вӧчӧй тайӧ гижӧд серти лекарство да гӧгӧр мавтӧй.

Тайӧ индӧм серти зэв кокньыд дай лӧсьыд бырӧдны лудік.

Эп пӧ.