СКӦТЛӦН «ЧУМА» ВИСЬӦМ

Миян Коми обласьтын ёна зэв висьлӧ быд висьӧмӧн скӧт. Эм зэв омӧль да ӧдйӧ паськалан висьӧм, «чума» нима. Тайӧ висьӧм воӧм бӧрын он кӧ пырысь-пыр жӧ кут водзсасьны — став скӧт вермас висьмыны вӧлӧсьтсьыд. Бӧрыннад кӧть и кутчысян водзсасьныд — лоӧ сёр, скӧт оз нин бурд. Татшӧм висьӧмъяс кӧ лоӧны, да чайтад кӧ «чума»-ӧн висьӧмӧн, колӧ пырысьтӧм-пыр жӧ скӧт пельшӧр дінӧ шыасьны. Кӧні скӧт пельшӧр абу, колӧ исполкомӧ шыасьны, медым исполкомыс корас гижӧдӧн матігӧгӧрса пельшӧрӧс.

Висьмӧм скӧтӧс колӧ торйӧдны весйӧд сайӧ да не лэдзлыны сэтысь пельшӧр вотӧдз.

Кутан кӧ висьысь мӧскӧс таитны — некутшӧм отсӧг оз ло аслыд, вермасны висьмыны став скӧтыд дай ӧтитӧг кувны. Ӧти-кӧ — некутшӧм отсӧг некодсянь оз ло, мӧд-кӧ — вермас сиктсаыдлӧн висьмыны скӧтыс; сэки сиктсаыд сетасны судӧ дай мыждасны сэтысь чорыда.

Тайӧ висьӧмӧн со кыдзи висьӧны, зэв кокньыда позьӧ тӧдмавны:

Скӧтиналӧн лоӧ жар, кутас петны пӧсь, пельяс да сюръяс кӧдзалӧны, йӧв мӧслӧн чинӧ, синъяс мӧслӧн гырдмӧны да петны кутас ор, нырысь петны кутас ор да виж ва (варс), синъяс пырӧ пыдӧ. Скӧт сэки оз кут сёйны, сӧмын ёна юӧ да зэв ӧдйӧ омӧльтчӧ.

Сёян-юан дозмукъясӧ, лясниӧ, быдлаӧ, кытчӧ матысмас скӧт, вермас кольны «чумалӧн» заразаыс.

Сы вӧсна гӧгӧр колӧ сӧстӧма мыськавны сулема ваӧн, карболовкаӧн да, креолинӧн да, медым вины да бырӧдны сэтысь заразасӧ.

Явитчас кӧ та модаа висьӧм, колӧ зільджыка шыасьны скӧт пельшӧр дінӧ.

Крестьяна! Ставныд ті лыддьӧй да вӧчӧй тайӧ индӧм серти.

«Эп пӧ».