ВАСЬ ӦНДРЕЙ, ЛАВКАӦН ЮРАЛЫСЬ

Тыла сиктсаяс (Емдін уезд) восьтісны кооператив лавка да сэтчӧ юралысяс бӧрйисны Роч Вась Ӧньӧӧс. Таысь кындзи сійӧ скӧт пельшӧрын служитӧ нин. Ӧні мый ми аддзам кык пӧлӧс «чинсьыд»? Гӧль морт кӧ воас лавкаӧ, сетӧны бакшасьӧм кӧлач; озыр кӧ — медся чӧскыдсӧ. Видзӧдлам водзӧ. Йӧрмӧма ань, локтас мыйлакӧ мешӧктӧг (абу да), а лавкаын юралысь лӧгалӧ сэтшӧмъяс вылас, пикӧ воштыны кӧсйӧ. Киссьӧм сепыс (мешӧк) вылӧ уджӧдас четвертакӧн (25 коп.) кык лун. Мыйла сідз? Вӧлӧмкӧ да, сылы колӧ лёль (сьӧмга) юр да мукӧд пӧлӧс эмбурторъяс, сылӧн абу дай. Уна ёртъясӧс нин и пельшӧрскӧй пунктсяньыс «чӧрту» мӧдӧдліс. Сэсся рӧдняясыскӧд ёна гартчӧ. Емдінӧ грузла либӧ лавкаӧ стӧрӧжӧ медалӧ ас чуль-чальсӧ.

Вась Ӧндрей, кад нин шыбитны важ сарскӧй модатӧ, дугды лӧгавныд.

Тикӧн Подоров.