ВӦЛІ ОКТЯБРИНА

Позтыын (Кулӧмдін уездын) ӧти пӧрысь беспартийнӧй крестьянин Худяев Илля Кузьма вӧчис аслас кагалы октябрина. Гӧтырыс Илля Кузьмалӧн колян восянь делегатка. Октябрина вылын вӧліны бура уна йӧз. Уна налы висьтавлісны выль быт йылысь. Кагалы нимсӧ пуктісны Майя. Комсомол ячейка кутчысис Майяӧс быдтыны, велӧдны, босьтіс аслас ячейкаас шленӧн.

Быдтор бур вӧлі. Сӧмын школаын велӧдысь Северская зэв лӧсьыдтӧма вӧчис. Кор кутісны висьтавны важ да выль быт йылысь, Северская октябрина вывсьыс пышйис. Сійӧ зэв еннога мортыд да эз вермы кывзыны татшӧм сёрниястӧ. Зэв жӧ эськӧ абу лӧсьыд велӧдысьясыдлы абутӧм ентӧ тӧдны да кыссьыны велӧдчытӧм йӧз бӧрын.

Аддзылысь.