КОМСОМОЛ ЯЧЕЙКА УДЖАЛӦ

Йӧрӧсдінса комсомол (Емдін уезд) ячейкалӧн бюро со мый гижӧ аслас удж йылысь («Йӧрӧсдінса олӧм» Петшӧрлӧн гижӧд вылӧ — «Югыд туй» № 185):

1) крестьяна жалӧба да заявленньӧяс гижӧдны, быдсяма справкаясӧн оз мунны кодсюрӧ дінӧ, а локтӧны комсомолечьяс дінӧ. Эз кӧ эськӧ крестьянаыд пыдди пуктыны комсомолтӧ, мунісны эськӧ мукӧд ордӧ — сэтшӧмыс миян эмӧсь;

2) комсомоллӧн гожӧмся удж: вӧчлім дас собранньӧ, сёрнитім сэні — «Мый шуис коммунист партиялӧн 13-ӧд конференция», «Кыдз тшӧктӧ коммунист партия ӧні уджавны сиктъясын» да уна мукӧдтор йылысь; волывлісны уна крестьяна, медъёна том йӧз;

3) лэдзим куим «Ловъя газет», крестьяналы быдсяма коланторъяс йылысь висьтавлім;

4) вӧчлім кык «Коми рыт» (кыкнан деревняас);

5) вӧчлім ӧти субӧтник (туй вӧчим);

6) нуӧдім кутшӧмсюрӧ кампанньӧяс.

Тайӧ ставсӧ гожся кадад оз нин позь шуны «нинӧм абуӧн».

Комсомол ячейкалӧн бюро.