ОБИСПОЛКОМЫН

Вӧр сотчӧм кусӧдӧмысь мынтасны.

Обисполком да видз-му управленньӧ шуисны корны Центрлысь лӧсьӧдны таво гожся вӧр сотчӧм кусӧдӧмысь гожся пӧраын со кутшӧм дон крестьяналы: страда дырйи (юль 1 лунсянь август 1 лунӧдз) — 1 шайт да 50 ур лун; мукӧд пӧраӧ (юль 1 лунӧдз) — 60 урсянь 90 урӧдз лун. Ӧні, Центрын лӧсьӧдтӧдз, мынтыны 72 урӧн лун.

Тӧвар судзӧдӧм.

Быдсяма ваян тӧвар Коми обласьтӧ вайӧм йылысь Обисполком со мый шуис:

1) медся крестьяналы колан тӧвар ва туй тупкысьтӧдз вайны обласьтӧ ставсӧ, мыйта вӧлі шуӧма (сов, карасин, табак, истӧг да мукӧдтор).

2) Коми госторглы кыдз-мый вермас колӧ разӧдны уездъясӧ 18 сюрс пуд сов да вайны 2.370 пуд карасин.

3) Обласьтса овмӧс нуӧдан юкӧдлы (обместхозӧ) колӧ Сыктывдінкарӧ вӧчны ыджыд сов видзан, мед тӧрас 12 сюрс пуд.

4) Обвнуторглы да обместхозлы колӧ кыдз-мый позьӧ отсасьны обласьтӧ нянь вайысь учрежденньӧяслы: лӧсьӧдавны нянь видзан складъяс да мукӧдтор.

Гӧрд армияысь локтысьяслы отсӧг.

Обисполком шуӧма сетны обвоенкоматлы гортӧ мунысь гӧрдармеечьяслы сеталӧм вылӧ (туй вылӧ Сыктывдінкарсянь гортӧдзыс) уджӧн 600 шайт. Обласьтса профсоюз сӧветлы просветительнӧй удж нуӧдӧм вылӧ гортӧ мунысь гӧрдармеечьяс костын сетӧма 242 шайт 90 ур.