КУТШӦМ БУР БОБӦНЯНЬЫСЬ

Крестьяна овмӧсын ыджыд бур сетӧ бобӧнянь. Сійӧ сетӧ ыджыд урожай турун дорысь, дай скӧтлӧн ӧбледьыс оз коль, сэсся зэв пӧтӧс. Видз вылысь кӧ чукӧрмӧ 80−100 пуд турун десятинаысь, бобӧнянь сетӧ десятинаысь 250−300 пуд бур турун. Унджык кӧ турун-бобӧнянь, унджык и скӧт лоӧ кӧзяйствоын — а наысь лоӧ бур куйӧд да унджык лоӧ йӧв-вый. Ёнджыка вынсялӧ му куйӧдӧн — бурджык лоӧ и няньлӧн урожай. Таысь ӧприч, бобӧняньыд ачыс вынсьӧдӧ аслас вужйӧн мутӧ ёнджыка куйӧд дорысь. Вот мыйла и многополльӧӧн (уна переменаӧн) уджалігӧн урожай бурджык да унджык куим переменанад (трехполье) уджалӧм дорысь. Уна переменанад кӧть эськӧ кӧдзӧны няньтӧ этшаджык да, урожайыс унджык воӧ. Бобӧняньнад вердӧмнад скӧтыд бурджык, йӧв унджык вайӧ.

Ыджыд бур сетӧ бобӧнянь крестьянскӧй овмӧслы.

Эп пӧ.