ПАЛЬЫН (ЕМДІН УЕЗД)

Колӧ бара босьтчывны.

Колян тӧлын лӧсьӧдлісны «Коми олӧм тӧдмалан чукӧр». Морт кызь кымын сэтчӧ гижсьылісны — пӧрысь да том войтыр. Комсомолечьяс чукӧртлісны да нардомӧ ӧшӧдлісны ӧти пӧраӧ зэв уна «дӧра сер». Сэтчӧ кыан пӧраӧ ёна волывлісны видласьны бабаяс. Сэсся ӧти морт чукӧрсьыд мыйкӧ зэв ёна корсьысьліс метрикаясысь, но мый сэсь сюри — шленъясыс оз тӧдны. Тулыссяньыс ӧні эз нин чукӧртчывлыны. Колӧ, ёртъясӧй, выль вылӧ бара босьтчывлыны.

Бӧрйӧй бурджык войтырӧс.

Регыд кутасны вежны кооператив правленньӧ. Колӧ бӧрйыны бурджык йӧзӧс, мед оз гусясьны, оз юны. Медым вӧліны сюсьӧсь — уджсӧ вермисны нуны. Вежигӧн колӧ корны правленньӧлысь отчёт важ уджсьыс.

Колӧ пырны «Авиахимӧ» да мукӧдӧс тшӧтш корны.

Паль вӧлӧсьтысь гидроплан лэбӧдліс 8 мортӧс, ставыс олӧма войтыр. Налы, кыдз йӧзыс шуасны, ӧні кувны оз позь. Колӧ налы пырны Авиахимӧ да мукӧдсӧ тшӧтш сэтчӧ корны. А миян лэбалысьяс асьныс эз на пырны, дай йӧз костын некор он кывлы налысь сёрни та йылысь.

Пальса.