КОРӦНЫ ЫДЖЫДДЖЫК ШКОЛА ДА АГРОНОМ

Кебра вӧлӧсьтын (Сыктыв уезд) уна мужик нин сёрнитӧны: колӧ пӧ восьтыны ыджыдджык школа (семилетка либӧ школа крестьянскӧй молодёжи), миян пӧ челядь кольӧны велӧдтӧг. Сэсся унаӧн матайтчӧмаӧсь челядь: гортсьыс велӧдчыныс помалӧмаӧсь, а мунныс некытчӧ; эм эськӧ Визинын да, сӧмын босьтӧмаӧсь куимӧс. Сэсся эм Абъячойын ШКМ. да, сы мында жӧ босьтӧмаӧсь. Ношульӧ мунны ылын. Унаӧн сёрнитӧны: мыйла пӧ уисполкомыс та ыджда вӧлӧсьтас оз восьты ыджыдджык школа.

Сэсся унаӧн зільӧны вуджны уна сикасӧн (переменаӧн) му уджавны, да бара жӧ велӧдысьыс абу. Комсомол ячейка ачыс оз куж. Эм эськӧ поплӧн нылыс да, весиг оз и сёрнит, корӧ ыджыд жалӧванньӧ. Оз-ӧ позь кӧть корсюрӧ татчӧ ыстывлыны агрономӧс.

М-меч.