РАБОЧӦЙЯС БАСТУЙТӦНЫ

Кӧзяева корӧмаӧсь салдатъясӧс

Пекин. «Джа-Пан-Чайнаын», ыджыд японскӧй мануфактура пабрикын, кӧзяеваясыс вӧтлӧмаӧсь став рабочӧйсӧ, коді гижсьӧма профсоюзӧ, мукӧд рабочӧйыслы пӧденщина чинтӧмаӧсь 10 прӧчент. Став рабочӧйыс бастуйтӧ. Кӧзяева арестуйтӧмаӧсь ӧти рабочӧйӧс, йӧз дырйи сэсся сійӧс ёна нӧйтӧмаӧсь плетьӧн. Сэки став рабочӧй ӧтвылысь сувтӧма кӧзяевалы паныд, кӧзяева корӧмаӧсь Мукденысь салдатъясӧс. Станция Нерека дінын салдатъяс уськӧдчӧмаӧсь рабочӧйяс вылӧ, 10 мортӧс ёна ранитӧмаӧсь.