«СОРОК СИЛАА» БАГАТЫРЫСЬ ПОЛӦНЫ

Ыб вӧлӧсьтын (Сыктыв у.), Ёль сиктын эм зэв ён морт Спира Ёгор Иван. Сійӧ ачыс асьсӧ шуӧ: ме пӧ «сорок сил». Сӧмын сійӧ сорок силсьыд дзик нинӧм: луннас узьӧ, войнас ветлӧдлӧ. Гортас эськӧ оз нин уджав да, весиг артельнӧй йӧрысь потшӧссӧ оз потш. «Менам сэні ичӧтик муӧй, ог потш, мукӧдыслысь, чӧрту, мед сёясны», — шуӧ.

Ёгор Иван потшӧсӧд быд лун йӧр тырыс пырӧны мӧсъяс да ыжъяс. Кык крестьянинлысь сёйисны нин став ӧзимсӧ. Ӧзимыс налӧн вӧлӧма зэв бур, кыкнаныслӧн вит пудовня улӧ муяс. Ӧтчыд коркӧ ӧтик мужикыд шуӧма Ёгор Иваныдлы потштӧмсьыд, да сыысь Ёгорыд код юрӧн пырӧма да сылысь пызансӧ ставсӧ жулльӧма.

Татшӧм ён морттӧ судӧ сетны ни нинӧм оз лысьтны: кучкас кӧ — кувтӧдзыд лоӧ. Кыдзкӧ эськӧ колӧ жӧ сійӧс велӧдыштны да.

Ёльса морт.