КОЛӦ БОСЬТЧЫНЫ АНЬКЫТШ КӦДЗНЫ

Виз вӧлӧсьтын (Емдін уезд) крестьяна тавоӧдз эз на тӧдлыны анькытш кӧдзӧм. Таво Емдінса исполком ыстӧма вӧлі школаясӧ анькытш кӧйдыс 25 тувйӧн (кӧйдысыс омӧль вӧлі веськалӧма). Сійӧ кӧйдыссӧ велӧдысьяс сетісны крестьяналы кӧдзны шӧриӧн. Кӧть и лёк вӧлі кӧйдысыс, но воис бура. Крестьяна шуӧны: анькытш кӧдзӧмыд пӧ тай вӧлӧма буртор, колӧ пӧ сійӧ кӧдзны быдӧнлы да колӧ пӧ лӧсьӧдны локтан во кежлӧ бурджык анькытш кӧйдыс.

Та серти Визса удждысян тӧвариществолы колӧ босьтчыны удж вылӧ: кыдзкӧ колӧ лӧсьӧдны анькытш кӧйдыс, водзвыв тӧдмавны крестьяналысь, уна-ӧ ковмас налы да.

Ас морт.