ЛЁК ВЕЛӦДЫСЬ

Лаборӧмын (Пӧддельнӧй вӧлӧсьт, Кулӧмдін у.) став велӧдчысь челядьсяньыс ӧні, аръявылыс, кутім кывны: «Колян вося наставнича кӧ локтас, ми ог кутӧй велӧдчыны, сійӧ бара кутас миянӧс нӧйтны». Колян тӧв тӧвбыд челядь норасисны велӧдысь вылӧ: зэв пӧ ёна кучкасьӧ. Ӧтикӧс вӧлі кучкӧма метрӧн (выль мера) юрас да зэв ыджыд вир гадь кайӧма. Сы бӧрын детинаыд тӧвбыд пышъялӧма. Мамыс ыстас школаӧ, сійӧ сэтчӧ оз и волыв, пышъялас лунтыр сиктын. Мӧдӧс пӧ вӧлі дӧска бердӧ тойыштӧма да став дӧсканас тювгысьӧма. Уна сэтшӧмторъяссӧ вӧлі висьтавлывлӧны челядь велӧдысь йылысь.

Ӧні некодлы абу окота школаӧ локны велӧдчыны (велӧдысьыс вӧлі К. Ветошкина). Абу бурджык сыысь, велӧдыссьыс, и стӧрӧжикаыс. Челядьӧс пӧ пыр видӧ быдсяма пеж кывъяснас. Ньӧтчыд пӧ ва ни нинӧм оз вайлы, пыр пӧ лоӧ аслыныс велӧдчысьясыслы вайны. Школа видзӧны зэв дурка.

Оз-ӧ позь УОНО-лы видзӧдлыны та вылӧ бурджыка.

Крестьянин.