КОЛӦ АЛИ ОЗ РАЙСОЮЗ СЕЛЬСКОКӦЗЯЙСТВЕННӦЙ ДА ПРӦМЫСЛӦВӦЙ КООПЕРАТИВЪЯСЛӦН

Сӧвет власьт кыдзи-мый вермӧ тӧждысьӧ овмӧс кыпӧдны, кыдзи-мый вермӧ крестьяналысь сьӧкыд уджсӧ кокньӧдӧ. Та вӧсна лӧсьӧдалӧма агрономъясӧс. Выль ногӧн уджалысь крестьяналы сетсьӧ кокньӧдъяс налогсьыс. Разӧдӧ плугъяс да видз-му уджалан машинаяс деревняӧ. Сетсьӧ уджӧн деньга сё-кыкӧдз-куимӧдз. Медся ёна тӧждысьӧ лӧсьӧдавны да отсавны ӧтувйӧн видз-му уджалысьяслы (артельяслы).

Эм и миян Коми муын татшӧм видз-му уджалан да прӧмыслӧвӧй артельяс. Сӧмын уджыс жеба на унджык артельясас мунӧ. Унджык артельыс оз уджав сӧвет правительство тшӧктӧм серти. Босьтам Визинса с.-кӧз. промышленнӧй тӧварищество: медводз тӧргуйтны заводитлісны — лои недочётъяс. Сэсся кирпич вӧчны пӧдрад босьтлісны, йӧзӧс морт сё мӧдӧдлісны, шуӧны: нажӧтка пӧ йӧзлы сетам. Тайӧ кыкнан уджсӧ зэв бура вермис вӧчны потребительскӧй кооператив. Колӧ тӧвариществояслы аслас труднаныс уджавны, сэки эськӧ крестьянаыд аддзис тӧвариществонад уджалӧмыдлысь бурлунсӧ да ёнджыка пондіс пырны сэтчӧ.

Босьтам сэсся Онежйӧса видз-му уджалан тӧварищество; сійӧ сідзжӧ вузасьӧмӧн занимайтчылӧма.

Босьтам Шожымса союз окота: аслас шленъясыс заказникысь вӧлі лыйлӧны утка да тӧргуйтӧны.

Тайӧ ставыс висьталӧ — неладнӧ уджыс мунӧ унджык тӧвариществоыслӧн. Миян тӧвариществояс бура индавтӧг, велӧдтӧг оз на кужны лӧсьӧдны ассьыныс уджсӧ.

Колӧ лӧсьӧдны районнӧй союз сельскокӧзяйственнӧй да прӧмыслӧвӧй тӧвариществояслы. Тайӧ велӧдас, кыдзи уджсӧ бурджыка пуктыны тӧвариществоясыслы.

Ном.