ГӦРД АРМИЯ — ШКОЛА

Гӧрд армиясянь 1903 восяяслы письмӧ.

Ачым нин велалі лыддьысьны и гижны.

Коми том войтырлы ыста ме сьӧлӧмсянь чолӧмбыттьӧ. Регыд нин тіянӧс (1903 воын чужысьясӧс) босьтасны Гӧрд армияӧ. Кӧнсюрӧ, гашкӧ, босьтісны нин дай. Ми, коми красноармеечьяс (1902 вося), ёна нин виччысям тіянлысь миянӧс вежӧм.

Ми тані бура велӧдчим, бура видзим ассьыным Сӧвет Республика мукӧд мувывса капиталистъясысь. Сыысь кындзи тані бура велӧдӧны уджавны-овны, велӧдӧны лыддьысьны-гижны.

Ме мунтӧдз вӧлі ог куж лыддьысьны ни, гижны ни, неграмотнӧй вӧлі, а ӧні со ачым письмӧяс гижа нин да нигаяс лыддя.

Локтӧ Гӧрд армияӧ — уна буртор ті сэсь аддзад.

Коми красноармееч 1-й Военно-Топографическӧй отрядысь В. А. Сажин.