ОЗ ЛЭДЗНЫ ОТСАВНЫ БАСТУЙТЫСЬ РАБОЧӦЙЯСЛЫ

Пекинса правительство сулалӧ капиталист государствояс дор, вузалӧ ассьыс рабочӧйяссӧ.

Пекин. Профсоюзъяслӧн сӧветныс отсалӧны сьӧмӧн Шанхайын бастуйтысь рабочӧйяслы. Медым сэтшӧм отсасьӧмсӧ бырӧдны англияса заводъясын бастуйтысь рабочӧйяслы, Шанхайын мукденса войскаяс 18 пӧрйӧ уськӧдчылісны Сӧвет керкаӧ. Кымынкӧ мортӧс Сӧветсьыс арестуйтісны, Сӧветсӧ шуисны лэдзалӧмӧн (распущенным). Профсоюзса сӧветысь представительсӧ Лилишеанӧс да мукӧдӧс торъя приказӧн тшӧктӧмаӧсь арестуйтны. Найӧс мыжалӧны коммунизм дор сулалӧмысь. Юӧръяс серти, мукденса войскаын командующӧйыс пӧ уськӧдчӧма Сӧвет вылӧ пекинса правительствоӧн тшӧктӧм серти.