ТЫРМАС УЗЬНЫ!

Гриваын (Сыктыв уезд) эм уна полӧс организация, но уджнысӧ нуӧны зэв омӧля, некутшӧм удж ӧні оз тыдав. Кодсюрӧ йылысь эськӧ газетӧ нин гижлісны да (Мопр ячейкаын юралысь Нечаев йылысь), некод пыдди оз пукты. Доброхим да Добролёт (ӧні — «Авиахим») ячейкаысь юралысьыс вӧлі вошӧма, оз тӧдны весиг, кодӧс и бӧрйылӧмаӧсь. Ӧні неважӧн сэтчӧ бӧрйисны Тюрнинӧс, но оз жӧ на некутшӧм удж тыдав. Сэсся воссьӧма вӧлі «нывбаба олӧм тӧдмалан кружок». Ӧні сійӧ вошӧма жӧ. Юралысьыс Чугаева М. некутшӧм удж оз нуӧд, ачыс ещӧ ветлӧма курсъяс вылӧ. Татшӧм удж нуӧдысьястӧ колӧ кодлыкӧ пальӧдны узьӧмсьыс, мед узян юрнысӧ ёнджыка пыркнитасны да узьӧмсӧ вунӧдласны.

Брекушки ныр.