СЛУЖИТНЫ КОЛӦ, А УДЖАВНЫ ПОЛӦ

Ыбса общественнӧй лавка правленньӧын служитӧны нёль шлен. Сӧмын уджсӧ найӧ оз нуӧдны кыклы воча. Йӧзыс быдсӧн шуасьӧны: тӧварыс пӧ бырны нин кутіс, инвалиднӧй лавкаын дорысь пӧ этшаджык нин. Сэтчӧ пӧ шленад огӧ ми пырӧ, ёна пӧ кытчӧсюрӧ рӧскодсӧ вӧчӧны да. Сэсся ӧд ещӧ порсь видзӧны. Бара сэтчӧ медалӧмаӧсь витӧдӧс, торъя порсь вердысьӧс: миянлы пӧ не привык порсьтӧ вердны, шуӧны шленъяс. Шулісны собранньӧ вылын ӧти шленӧс чинтыны, Закар Васьӧс, уджыс пӧ немтор абу да. Но сійӧ кутіс норасьны: кор пӧ уджыс вӧлі, сэки видзинныд, а ӧні пӧ кӧсйи на шойччыштны да, дугӧданныд.

Собранньӧыс сэсся шуис сійӧс кольӧдны деревняясӧд праздникъясӧ ветлӧмӧн тӧргуйтны. Коли ӧнӧдз тӧлысь куим, а деревняысь тӧргуйтӧм эгӧ на аддзылӧй. Пӧлинӧ тай кутіс Закар Васьыд, тыдалӧ, шойччыны. Шойччыныд эськӧ колӧ ыстыны баба дінас.

Мыйла сэсся татшӧм бура уджалан лавкаад шленад дядьӧыд пырас. Дерт, оз пыр.

Кабан С. Л.