БОЯР СИКТӦ КОЛӦ ШКОЛА

Позтысянь (Кулӧмдін уезд) нёль верст сайын эм Бояр сикт. Сэтӧні коймӧд во нин абу школа ни, лыддьысян керка ни. Кӧдзыд дырйи Боярса челядь Позтыса школаӧ волігӧн вермасны кынмыны; колӧ вӧчны Бояр сиктӧ школа либӧ Позтыкерӧсӧ колӧ лӧсьӧдны челядьлы оланін школа бердас. Сэсся нелямын куим керкасьыд — уна гырысь велӧдчытӧм йӧз. Найӧ, дерт, оз пондыны нёль версттӧ быд рыт ветлӧдлыны; колӧ тӧв кежлӧ восьтыны гырысьӧс велӧдан школа (ликпункт) либӧ «гӧрд пельӧс».

№ 50.