АДДЗЫЛІМ ПРАЗДНИК

Читаёв вӧлӧсьтын (Сыктыв уездын) сентябр 6-ӧд лунӧ праздничайтісны ставмувывса челядь праздник.

Праздник коли зэв лӧсьыда. Школаӧ чукӧртчылісны зэв уна челядь, том йӧз да крестьяна. Братинков ёрт висьталіс аслыным да ставмувывса ӧнія олӧм йылысь да челядь праздник йылысь. Дымов ёрт висьталіс важ да Гӧрд армия йылысь, ӧнія Гӧрд армияӧ мунысьяслы да найӧ семьялы кокньӧд сетӧм йылысь. Сы бӧрын волисполком пионер отрядлы сетіс гӧрд знамя. Кооператив да охотникъяслӧн союз челядьӧс юкталісны тшайӧн, вердісны кӧлачӧн да мукӧдторйӧн. Тшай юӧм бӧрын пионер отряд знамя сетӧм вылӧ да вердӧм-юкталӧм вылӧ висьталіс зэв ыджыд аттьӧ. Разӧдчигас мукӧд крестьяна шуӧны: вот пӧ и праздник аддзылім: сӧветскӧй праздникыд пӧ бурджык сура праздник дорсьыд; тадзи пӧ колӧ лӧсьыда быд сӧветскӧй праздник колльӧдны, медым крестьяна ёнджыка тӧдісны сӧветскӧй праздник, мед сы серти сэсся велалісны коллявны быд праздник.

Цырош.