ТӦРГУЙТАН УДЖ НУӦДЫСЬ МИЯНСЯНЬ АНГЛИЯЫН ӦНІ ХЛОПЛЯНКИН ЁРТ

Ми Англиякӧд тӧргуйтӧм кӧсъям паськӧдны. Нянь вузалам миллиард шайт дон.

Лондон. СССР-сянь Лондонӧ ӧні пуктісны выль тӧргуйтан удж нуӧдысь представительӧс — Хлоплянкин ёртӧс. Сы кузя Лондонын вӧлі гажаа пукалӧм (банкет). Пукалӧм вылас председательыс Раковскӧй ёрт висьталіс СССР-ӧн мукӧд государствояскӧд вузасьӧм паськӧдӧм йылысь; шуис: СССР пӧ Англиякӧд тӧргуйтан уджсӧ зэв кӧсйӧ паськӧдны, сӧмын пӧ Англия дорсянь тайӧ уджсӧ пыкӧны сылӧн банкъясныс. Хлоплянкин ёрт висьталіс СССР-ын бур урожай воӧм йылысь: миян пӧ таво нянь вузалӧм лоӧ 100 миллион пунт стерлинг дон (ӧти миллиард шайт дон кымын). Пукалӧм вылын вӧліны тшӧтш англияса гырысь прӧмышленникъяс.