ГОСУДАРСТВОСА НЯНЬ ЗАПАС

МӦСКУА. Госплан шуӧма лӧсьӧдны государствоса нянь запас. Тайӧ запассӧ видзны кутасны сӧмын зэв коланінӧ: неурожай дырйи либӧ мукӧд пакӧсьтъяс дырйи войтырлы сёйӧм вылӧ да кӧйдыс вылӧ сетны, нянь вылӧ кӧ доныс кайны ёна пондас — лэдзлыны базар вылӧ запассьыс да сідзикӧн кутны дон кайӧмсьыс. 1925−26 во кежлӧ шуӧма лӧсьӧдны запассӧ 50 миллион пуд гӧгӧр.