БУР ВЕЛӦДЫСЬЯСӦС ОГӦ ВУНӦДӦЙ!

«Югыд туй» газетын (189, 190 номерын) Шаков да Савин ёртъяс гижлӧмаӧсь: Мӧскуаын пӧ сентябр 13 лунӧ кувсьӧма А. А. Суканова.

Уна коми сиктын тӧдӧны посни челядьяс Сукановаӧс; уналаын пуктылісны сылысь пьескаяс; уналаын лыддьӧны сылысь статьяяс «Выль Туйӧд» нима коми нигаысь. Ми, посни челядь, ёна радейтам лыддьыны сылысь гижӧдъяс: сералам, нимкодясям, бӧрдам мукӧддырйи. Ыджыд аттьӧ бур велӧдысьлы!

Коми челядь! Кувтӧдзным казьтылам, огӧ вунӧдӧй ассьыным бур велӧдысьнымӧс. Сійӧ миян вӧсна тшӧтш ассьыс ловсӧ пуктіс. Асьсӧ эз жалит, мед ми колям югыдӧсь, мед ми лоам велӧдчӧмаӧсь. Ӧні сійӧ кулі, сійӧ быри, водзӧ оз нин кут уджавны.

Сы водзвылын быри миян бур велӧдысь Иона Тимопеевич Чисталёв. Сійӧ сідзжӧ тӧждысис гӧль йӧз вӧсна да челядь вӧсна, сійӧ ловсӧ пуктіс, Суканова моз жӧ, миян вӧсна.

Ми найӧ кок туйӧд пыр мунам водзӧ! Огӧ вунӧдӧй, челядь, ассьыным бур коми велӧдысьяснымӧс, казьтыламӧй век!

Пионер Моторин.