КЫДЗИ ВИДЗНЫ КАРТУПЕЛЬ СІСЬМӦМЫСЬ

Мед картупель оз сісьмы, со мый оз ков вунӧдны коми аньяслы:

1) Гуӧ либӧ гӧбӧчӧ пуктытӧдз картупельтӧ колӧ бура косьтыны.

2) Гусӧ либӧ гӧбӧчсӧ картупель пуктытӧдз колӧ бура весавны колян вося картупель колясъясысь, бура косьтыны, тӧлӧдны.

3) Картупельсӧ гуалігӧн колӧ киськавны пӧимӧн: быд 100 мешӧк картупель вылӧ 1 пуд пӧим.

4) Гуӧ либӧ гӧбӧчӧ картупель пуктыны аршынысь джуджыда оз ков.

5) Гуысь (шоныдджык поводдя дырйи) либӧ гӧбӧчысь картупель колӧ кыкысь-куимысь видлавлыны тӧвбыднас: сісьмыны заводитчӧм картупельяс колӧ бӧрйыны да торйӧдны.