ВОЕННӦЙ КӦЛУЙ ТАРГАЙТӦМЫСЬ СУД ЛОӦ ЛЕНИНГРАДЫН

Мӧскуа. СССР-са Верховнӧй Судлӧн сессияыс муніс Ленинградӧ видлавны делӧ Ленинградса военнӧй портысь быдсяма пӧлӧс казеннӧй кӧлуй таргайтӧм йылысь да калымъяс (взяткаяс) босьталӧм йылысь. 1924ʼ воын арнас ленинградса рынокъяс вылын частнӧй тӧрговечьяс кутісны вузасьны трубаясӧн — трубаясыс сійӧ военнӧй суднояс вылысь. Корсьӧм бӧрын тӧдмалӧмаӧсь, сійӧ трубаяссӧ вузасьысьясыс вӧлӧм судзӧдалӧны военнӧй портса агент Линдерг пыр. Вӧлӧмкӧ, Линдергыд мукӧд портса служащӧйяскӧд таргайтӧма казеннӧй кӧлуйсӧ портсьыд дзонь миллион шайт дон кымын. Тайӧ делӧ кузя судӧ сетӧма 124 мортӧс. На пиын эм тшӧтш портса начальникыслӧн отсасьысьыс (помощникыс) Путинцев, сардырся офицер.