ПОЗТЫЫН. КУЛӦМДІН УЕЗД

Август 30 лунсянь сентябр 6 лунӧдз пионеръяс нуӧдісны ассьыныс «Ставмувывса челядьлӧн вежон». Сёрнитісны звенояс чукӧртчӧм вылын: мыйла колӧ вӧчлывлыны татшӧм «Челядь вежонъяссӧ», кыдзи колльӧны тайӧ праздниксӧ мукӧд государствоясын, кытӧн власьтыс озыр йӧз киын на, кыдзи коллям миян СССР-ын.

Сентябр 6-ӧд лунӧ арталісны вежонся удж да висьталісны крестьяналы: кодъяс сэтшӧмыс пионеръясыс, мыйӧ найӧ велӧдчӧны, мыйла колӧ челядьлы гижсьыны пионерӧ. Учитель Латкин ёрт висьталіс, кытӧні медводз лои пионер чукӧрыс, ӧні кыдзи удж мунӧ мукӧд государствоын. Крестьяна ёна кывзісны тайӧ висьталӧмъяссӧ.

Коммунист да комсомол ячейка бура коллялісны «ставмувывса том йӧзлысь ӧтувтчан лун» (МЮД).

Праздник лунас, асывнас ӧшлісны лозунгъяс, юӧръяс. Рытнас вӧлі торжественнӧй заседанньӧ. Чолӧмбыттьӧ кыв висьталісны партиясянь, комсомолсянь, пионеръяссянь, волисполкомсянь да мукӧд. Избач Худяев ёрт зэв бура висьталіс тайӧ праздник йывсьыс: корсянь да мыйла празднуйтӧны «МЮД»-сӧ. Йӧз вӧлі бура уна.

Таво гожӧм ёна висялісны мытӧн челядь дай гырысьяс. Ёнакодь кулаліны: август тӧлысьын кулі дас морт гырыся-посниа. Колӧ частӧджык волывлыны пельшӧрлы.

№ 50.