КОМСОМОЛЕЧЬЯСЛЫ КОЛӦ УДЖАВНЫ

Вениб сиктын (Койгорт вӧл., Сыктыв уезд) комсомолечьяс омӧля уджалӧны. Собранньӧ вылӧ локтӧм пыдди век кытчӧкӧ ылалӧмаӧсь: некор ӧтпырйӧ оз чукӧртчывны, мукӧдыс сӧвсем оз волывлы. Воласны гырысь войтыр корсюрӧ лыддьысян керкаӧ газет кывзыны: пукаласны-пукаласны да, сідзи и бӧр лоӧ мунавны — газетсӧ некодлы лыддьыныс. Мыйла эськӧ комсомолечьяслы не кутчысьлыны тайӧ удж дінас? Ячейкаса секретарыс уджалӧ бура, но ӧтикыд нӧ кытчӧ тырман.

Колӧ Венибса комсомолечьяслы пальӧдчыны узьӧмсьыд да кутчысьны ёнджыка ас кост да гырысь войтыр кост уджавны.

Селькор Жуй.