ИСПОЛКОМ УНДЖЫКЫСЬ ПӦДСА

Быд лун газетысь лыддям Коми муын олӧм йылысь: ӧтилаын сійӧтор вӧчӧмаӧсь, мӧдлаын мӧдтор, быдлаын садьмӧны, югыдлань, выль олӧмлань кыссьӧны. Сӧмын Койгортса исполкомын (Сыктыв уезд) век на зэв чӧскыда узьӧны. Ньӧтчыд оз волывны кад кежлӧ, зэв ыджыдӧ асьнысӧ пуктӧны, самӧкур юӧны. Уджалӧм йылысь ёна думыштлӧм абу: крестьяна мукӧддырйи воласны да, оз кӧ десятскӧйӧс мӧдӧдлыны корсьны исполкомсаясӧс, сідзи и бӧр лоӧ мунлыны.

Колӧ Койгортса исполкомлы бурджыка заводитчыны уджавны.

Кондратьев.