БАНКИРЪЯС ВӦТЛАЛӦНЫ СЛУЖАЩӦЙЯСӦС

Париж. Парижса банкъясын служитысьяслӧн вӧлі забастовка. Забастовканас найӧ нинӧм эз вермыны перйыны да, бӧр налы лои кутчысьны уджавны. Уджавныс заводитігӧн банкъясса начальствоыс эз кӧсйы некодлы нинӧм вӧчны забастовкаысь. Уджавныс заводитчӧм бӧрас начальствоыс эз видзӧдлы кӧсйысьӧм вылад да вӧтліс банкъясысь уна сё мортӧс нин. Вӧтлӧм служащӧйясыс ӧні лӧсьӧдісны аслыныс комитет да кӧсйӧны ыстыны делегация Францияса правительство дінас корны асьнысӧ дорйӧм йылысь.