ӦДӦЛИТӦМАӦСЬ КУТШӦМКӦ ГАГЪЯС

Емва вожӧ таво кутшӧмкӧ аслыспӧлӧс гагъяс воисны, дзик тыр. Гагйыс уна сюра, уна кока. Некод оз тӧд, мыйсяма гаг сэтшӧмыс, кытысь лоӧма. Синтӧ он лысьт восьтлыны, сідзи и пырӧ синмад. Сюрас кӧ сылы курччыны — садьыд дзикӧдз вошӧ. Менӧ курччис ӧтчыд да, лунтыр садьтӧм вӧлі. Сійӧ гагйысь таво йӧзыс зэв нин унаӧн пышйисны ӧтарӧ-мӧдарӧ, кӧні оз кывсьы татшӧм лёк гагйыс. Оз кӧ кыдзкӧ быр тайӧ гагйыс, водзӧ на лоӧ пышйыны, гашкӧ, Сибырӧ на лоас мунны да...

Видз-му Управленньӧлы колӧ тӧдмавны тайӧ гагсӧ да кутчысьны сыкӧд вермасьны-бырӧдны.

С. Козлов.

Редакциясянь. Колӧ эськӧ сійӧ гагсӧ петкӧдлыны велӧдчӧмджык йӧзлы да ыстыны Видз-му Управленньӧӧ.