НЮР КОСЬТАН ТӦВАРИЩЕСТВОЯС

Нюр косьтӧм удж миян обласьтын зэв на омӧля мунӧ. Нюръясыс эськӧ миян эмӧсь уна да, йӧзыс оз на тӧдны, мый сетас налы нюр косьтӧмыс. Нюр косьтыны кӧ кӧсйӧны, сиктса крестьяналы колӧ ӧтувтчыны тӧвариществоӧ да босьтны устав (уставыс эм обласьтувса Видз-му Управленньӧын). Ӧтувтчӧм бӧрас ковмас скодвывса сёрнигижӧд да уставнас гижӧдчыны Видз-му Управленньӧын; тайӧ гижӧдчӧм бӧрас вӧлисти тӧвариществоыс кутас лыддьыссьыны законнӧйӧн.

Нюр косьтан тӧварищество, мукӧд пӧлӧс тӧвариществояс моз жӧ, ас вылас босьтӧ видз-му кыпӧдан да видз-му места паськӧдан удж нюръяс косьтӧмӧн да нюр-тыясысь ва вӧтлӧмӧн.

Мед петкӧдлыны коми крестьяналы, кутшӧм пӧльза вайӧ нюр косьтӧм удж да мый позьӧ нюрысь вӧчны, сійӧ ӧні (таво) петкӧдлыны да висьтавны коми крестьянинлы огӧ на вермӧ. Но вермам петкӧдлыны, мый нюр косьтыны позьӧ, мый нюр косьмас и лоӧ нюр местаас зэв бур видз либӧ му. Босьтам Выльгорт нюр. Ыдждаыс сылӧн 800 десятина. Косьтыны заводитчисны мӧйму (1924 воӧ) да таво гожӧм косьтісны, нюрыс пӧшти нин косьмис, а ещӧ уна на колӧ кодйыны бӧрӧздасӧ (канава). Кор ставыс кодйыссяс, сэки Выльгортсалӧн лоӧ ныр уланыс местаыс видз-му вылӧ шогмана, а войдӧр вӧлі мунӧны сійӧ нюрсӧ кытшовтӧны.

Босьтам Гаръя. Сэні косьтісны ты (лэдзисны юас тысьыс васӧ) да зэв жӧ нин уна местаыс косьмӧма видз места вылӧ тӧвариществоса шленъясыслы, тыыс ичӧтик и кольӧма, а ещӧ на кӧсйӧны косьтыны.

Татшӧм тӧвариществояссӧ колӧ миян обласьт пасьтала быд сиктӧ восьтыны да быдлаын кутчысьны тайӧ удж бердас.

Семӧ Паш.