ВЕЛӦДЫСЬЯСӦС ШКОЛАЫСЬ МӦД ШКОЛАӦ ВЕЖЛАЛӦМ ЙЫЛЫСЬ

Юалӧм. Велӧдысь бура уджсӧ нуӧ школаас дай деревняса войтыр кост сӧмын сэки, кор сійӧ тӧдӧ бура школасӧ, тӧдӧ бура деревнясӧ, войтырсӧ да войтырыс сійӧс бура тӧдӧны.

Сідзкӧ зэв абу шань, кор велӧдысьясӧс тшӧкыда вежлалӧны школаысь школаӧ. Миян Коми обласьтын бура тшӧкыда кодсюрӧӧс вежлалӧны — мыйла нӧ?

Висьталӧм. Велӧдысьясӧс, дерт, оз ков вежлавны ӧтилаысь да мӧдлаӧ, но дзик вежлавтӧг ӧнія кадын он вермы бергӧдчыны:

1) Мукӧд уджалысьсӧ колӧ ыстыны школаыслысь уджсӧ кыпӧдны-лэптыны. Сэки лоӧ вежсьыны местаӧн;

2) овлӧ сідзи: бур уджалысь корӧ вежсьыны. Он кӧ веж, мунӧ мӧд губерняӧ. Бур уджалысь этша — быть лоӧ вежны;

3) мукӧд велӧдысьыс вермӧ уджавныс сӧмын бур велӧдыськӧд. Ӧтнаслӧн немтор школаын оз артмы. Сэтшӧмъяссӧ бара лоӧ вежны;

4) уна велӧдысь на эз вӧв курсъяс вылын, мунӧ бӧрын мукӧд ёртъяс серти удж вылас. Сэтшӧмсӧ бара лоӧ вежны, индыны бурджык велӧдысь дінӧ.

Кытчӧдз оз лоны став велӧдысьыс ӧткодь бур да колантор, сэтчӧдз лоӧ вежлавлӧм. Весьшӧрӧ оз вежлавны. Быд вежлалігӧн овлӧ Союзсянь морт.