ГОЖӦМЫН СИКТЪЯСЫН ЧЕЛЯДЬ ВИДЗАН ЯСЛИ ЗЭВ КОЛАНТОР

Айкатылаын таво юль 17 лунсянь сентябр 1 лунӧдз уджаліс гӧль крестьяналысь челядь видзан ясли. Вайлывлісны 25 челядьӧдз луннас.

Позьӧ вӧлі вайлывлыны комын мортӧдз.

Челядьлы сэні овны вӧлі зэв лӧсьыд, долыд: бура вердісны, бура видзисны.

Мамъяс ӧні гӧгӧрвоӧмаӧсь яслилысь бурлунсӧ да шуӧны: унаӧс пӧ миянӧс тайӧ мездіс торъя кага видзысь медалӧмысь, водзӧ вылӧ пӧ колӧ жӧ гожӧмъяснад яслисӧ восьтывныд. Ыджыд аттьӧ пӧ яслисӧ восьтысьясыслы да сэні уджалысьясыслы (акушерка А. А. Цветковалы да мукӧдлы).

Дел-а.