СЕЛЬКОРЪЯСЛЫСЬ ПИСЬМӦЯС ОЗ ПОЗЬ КОСЯВЛЫНЫ НИ ВИДЛАВНЫ

Наркомюст (законъяс йылысь да суд йылысь удж нуӧдан Комиссариат) лэдзис татшӧм распӧраженньӧ. Бӧръявылыс кӧнсюрӧ вӧлі вӧлӧсьтувса роботникъяс кутавлӧмаӧсь да косявлӧмаӧсь селькоръяслысь письмӧяс — газетӧ ыстан гижӧдъяс. Весиг вӧлӧма сэтшӧмтор: ӧтик волисполкомса удж нуӧдысь тшӧктылӧма поштӧвӧй отделенньӧын заведуйтысьлы кутавны став сэтшӧм гижӧдъяссӧ да ыстыны аслыс видлавны.

Татшӧм уджнас бара кӧсйӧны лёк йӧз водзсасьны сӧветскӧй удж лӧсьӧдны, полӧны, мед оз сюрны найӧ газетӧ, мед оз явитчы налӧн омӧля уджалӧмныс.

Наркомюст тшӧктӧ прокуроръяслы да следственнӧй органъяслы татшӧм уджыс вылӧ чорыдджыка видзӧдлыны. Селькоръяслысь письмӧяс видлалӧмысь да косявлӧмысь мыжаяссӧ судӧ сетны Уголовнӧй закон чукӧрса 92 да 106 статьяяс серти.