ОМӦЛЯ УДЖАЛӦНЫ

Отйын (Емдін уездын) комсомол да коммунист ячейкаяс омӧля уджалӧны. Сӧмын тӧлысь пытшкас кыкысь кымын собранньӧяс овлывлӧны ас костаныс. Войтыр пӧвстас некутшӧм удж оз нуӧдны. Крестьяна да том йӧз сійӧн оз и пырны партияас да комсомолас: немтор пӧ весь гижӧдчӧмсьыд, пӧльзаыс миян абу и оз ло. Избач Козлов нинӧм пӧшти оз уджав — курс вылысь воис да, омӧля и волывлӧ лыддьысян керкаас.

Лыддьысян керка гӧгӧрыс делегаткаяс градъяс вӧчлісны тулыснас — пуктылісны пуктасъяс: анькытш, картупель, мӧс галанка (турнепс). Сійӧ пуктасъяссӧ ёгсьыс некод эз и весавлыв — ёгнас став пуктасыс град вылас тырӧма.

Кружокъяс — сель.-кӧз., театр., ОДВФ, МОПР, корреспондентскӧй — сідзжӧ олӧны шы ни тӧв. Уджавнысӧ кӧсйысьӧмыс кабала вылын сӧмын. Ар нин — пӧра садьмыны быдӧнлы да уджнас быдӧнлы петны крестьяна дінӧ.

Зі пи.