ЛЁК ТӦВ

Август 19-ӧд лунӧ Вадыбӧд да Волсяӧд (Сыктыв уезд) муніс зэв ыджыд тӧв да зэр. Тӧлыс вӧчис бура уна пакӧсьт: 35 крестьянинлысь пӧрӧдӧма нянь сёрӧмъяссӧ. Матысса сёрӧмъяссӧ ставсӧ ӧтлаӧ гудралӧма, аскинас лунтыр лоӧма нянь кольтанас юксьыны. Зэрнас да юксьӧм-чукӧртӧм-тэчӧм ноксигас таскайтчӧма няньыс 100 пуд кымын. Сэсся тайӧ тӧлыс Вадыбсалысь паськӧдӧма турун 50 кымын додь да крестьянин комынлысь кымын кисьтӧма вевтъяссӧ амбаръяслысь, керкаяслысь, пывсянъяслысь. Колӧ статистикъяслы видлыны да кодӧс ёна ӧбӧдитӧма — отсавны.

Пурга.