ВАЖ ЙӦЗЛӦН КЫВ

(Туръя вӧлӧсьт, Емдін уезд)

Ӧти нӧбасьысь баба пӧраыс воӧм бӧрын бура кокньыда вайис кага. Сӧмын мӧдпӧлӧсыс быдса вежон чӧж абу петӧма — зэв ёна мучитӧ да висьӧдӧ вӧлӧм. Сэсся кодкӧ висьталас: важ йӧз висьталӧм серти пӧ, колӧ йӧз тӧдлытӧг куим пывсянысь чукӧртны доз пыдӧсъяссьыс няйт васӧ, ӧтлаавны да юны. Пыр пӧ сэсся мӧдпӧлӧсыд петас дай бурдан. Сійӧ бабаыд тадзи и вӧчас. Сӧмын бурдӧм пыдди лун мысти кулас.

Со ӧд кутшӧм важ йӧзыдлысь, «тӧдысьясыдлысь» кывзӧмыд. Оз ков овны «тӧдысьяс» шуӧм серти, колӧ юасьны акушеркалысь да пельшӧрлысь.

К. Сокфин.