ВЫЛЬ НОГӦН ПРАЗДНИЧАЙТӦМ

Айкатылаын (Емдін уездын) август 31 лунӧ вӧлі сура праздник. Комсомолечьяс да коммунистъяс (вӧліны и беспартийнӧйяс) вӧчлісны субӧтник. 1919 воын белӧйяс лыйлӧм коммунистъясӧс да гӧрдармеечьясӧс дзеблім ӧти гуӧ (братскӧй могила) — найӧ гу вылын ӧнӧдз на эз вӧв тӧдчанджык пас (памятник кодь). Тайӧ субӧтник вылад ми и вӧчим памятник кодьсӧ: тэчим медводз дас судта эжа да сэсся шӧрас шыблалім му. Артмис зэв лӧсьыд пас.

Таво гожӧмын тайӧ коймӧд субӧтник нин: ӧтчыд турун уберитім гӧль гӧрдармееч семьялы, мӧдысь — сю вундылім. Тадзи и водзӧ пондам вичкоса праздникъястӧ «празднуйтны».

Г.—г.