ВОЧАКЫВ

Унитс нинӧм оз тӧд

Август 20-ӧд лунся 170-ӧд №-а «Югыд туй» газетын Унитс лэдзӧма гижӧд «Омӧлик юралысь». Сэні гижӧма: инвалидъяс видзанінӧн заведуйтысьӧс Колеговӧс пӧ колӧ топӧдлыны: кык тӧлысьӧн пӧ эз нуӧдлы сійӧ некутшӧм культурнӧй удж, бур кыв пӧ сысянь эг на кывлӧй, лыйис пӧ револьверысь комсомолеч Лютоевлы тшӧкаас.

Дерт, газетӧ гижны быдтор позьӧ, сӧмын мыжсӧ тӧдтӧг оз ков тшӧктыны «топӧдлыны».

Инвалидъяс видзанінын (карсянь 10 километр сайын) ме служиті заведуйтысьын сӧмын на май 24-ӧд лунсянь. Став уджалысь пыдди ме вӧлі ӧтнам. Первойсяньыс жӧ лои кутчысьны потшӧсъяс дӧмлыны, сэсся пыр на вӧлі страдна. Тӧдӧмысь, «сы понда» инвалидъяс костын эг на вермы нуӧдны культурнӧй удж. Менам скӧралӧм йылысь Унитс гижӧ лӧжӧс. Сы йылысь тӧдасны олысь инвалидъясыс.

Лютоевӧс прӧстаысь ме эг лый. Керкаад кӧ вины кутасны пырны, быдӧнлы лоӧ мездысьны. Лютоевъяс первойсӧ кӧсйисны пырны грӧзӧн ӧдзӧсӧд. Сэті ме эг лэдз. Сэсся пӧрччысисны кӧмтӧг да кутісны кайны ӧшиньӧд: пырам пӧ да кыдз-нибудь виам жӧ.

Коді сэтысь лоӧ мыжа — аддзас власьт.

Тр. Колегов.