КОЛӦ КОРСЬНЫ МЫЖАСӦ

Август 18 лунӧ войнас Коськын (Серегов вӧлӧсьтын) вӧлі пӧжар. Сотчис ӧти крестьянинлӧн (Фотиевлӧн) керкаыс. Пӧжар лоӧма нёль час войын, став вӧлӧсьтыс узьӧ на вӧлӧм. Войнас кӧзяиныс чеччас ывлаӧ петавны, да ӧдзӧссӧ восьтігас друг биӧ веськалас — вӧлӧмкӧ, сарай посводзыс сотчӧ нин. Ставныслы лоӧма ӧшинь пырыс чеччавны. Нинӧм абу петӧма, весиг медбӧръя мӧскыс сотчӧма гидас.

Коді жӧ сэсь мыжа? Ӧзйӧма абу керкасяньыс (сійӧ лунас весиг пачсӧ абу ломтылӧмаӧсь), а карталадорсяньыс.

Лӧгалысьяс век пӧ грӧзитчӧны вӧлӧм: коркӧ пӧ сола тэныд лолӧ. Вӧлӧсьтсаыс сёрнитӧны: пӧжарсӧ пӧ тӧдлӧмаӧсь, кодсюрӧ суседъясыс пӧ войбыд биӧн олӧмаӧсь. Колӧ корсьны мыжаӧс регыдджык.

Луч.