ПЕЛЬШӦР ТАРАНТАСТӦГ ОЗ МУН

Дереваннӧй вӧлӧсьт пырӧ Ручса пельшӧрскӧй пункт улӧ. Пельшӧр сэні ыстӧм йӧз пиысь (административный ссыльный). Сыысь миянлы пӧльзаыс зэв ичӧт: морт висьмас, кулан выйын, мӧдӧдчасны пельшӧрӧс вайлыны, кыськӧ корсясны вӧвтӧм гӧль йӧзыд вӧвтӧ да. Мунасны 10 верст сайӧ пельшӧрла. Пельшӧр юалас: «С тарантасом или нет? Если на двухколке, то я на ней не поеду. Приезжайте завтра на тарантасе.» Сідзи сэсся бӧр кушӧн и лоӧ локны. Коді тӧдӧ, аскитӧ отсӧгыд лоас оз: мӧдысьтӧ кодкӧ сетас-ӧ вӧвтӧ, дай тарантассӧ лоӧ станцияысь босьтлыны, эштас кӧ.

Гӧль йӧзлы, вӧвтӧмъяслы тадзи вывті абу шань, пельшӧрыд тадзтӧ сӧмын озыръяслы пельшӧр. Колӧ Кулӧмдінса Уисполкомлы да Обздравлы видзӧдлыны татчӧ.

Г.—Г.