ЧИТАЁВӦД ЫДЖЫД ТӦВ НЫР МУНӦМА. КӦИНЪЯС ВОӦМАӦСЬ

Читаёв вӧлӧсьтын (Сыктыв у.) турунъяс да няньяс воны да идравны таво гожӧм вӧлі зэв шоныд да бур. Сӧмын шоныд да жар вӧсна ёна номыръяс сёйисны ӧзимъяс, унаӧн нин кӧдзалісны мӧд пӧв. Турунъяс пуктылісны ёна бурӧс, сӧмын август 19-ӧд лунӧ муніс ыджыд тӧв ныр да пӧрӧдліс да разӧдліс зэв уна турун зорӧдъяс, сэсся ёна зэрис, турунсӧ эз удитны чукӧртныс, ставсӧ кӧтӧдіс. Сиктъясас шыблалӧма керка да амбар вевтъяс, пӧрлӧдлӧма сёрӧмъяс (тэчасъяс).

Пемыд войясыд лоины да — кӧинъясӧн матӧ воим: джагӧдалісны нин уна ыжъясӧс, куканьясӧс да чаньясӧс. Кӧин понда бара уна челядь кольӧ велӧдчытӧг мӧймуся моз жӧ, кутасны мӧсъясӧс видзны да. Эм эськӧ миян вӧлӧсьтын союз окота да, сӧмын нинӧм оз вӧч. Оз-ӧ позь татчӧ кыськӧ ыстыны кӧин виысьясӧс?

Сіжагеш.