ПӦДДЕЛЬНӦЙЫН
Комсомол ячейкаын ӧні удж мунӧ. Чукӧртчывлӧны быд вӧскресенньӧ. Мӧскуаса студентъяс неуна индалісны, кыдзи колӧ уджавны.
Ячейкаас уджнас веськӧдлӧ партия ячейкаысь секретарыс. Комсомол ячейкасьыс секретарыс нинӧм оз тӧд ни оз куж уджавныс. Колӧ эськӧ вежны Королёвсӧ да.
Лыддьысян керкаын избачыс сійӧ жӧ Королёв. Уджыс нинӧм оз тыдав, избачыс ёна дышӧдчӧ.
Пионер отряд колян во нин воссьыліс, да уджыс оз жӧ бура мун. Удж нуӧдысьясыс пӧ абу. Колӧ эськӧ РКП да комсомол ячейкалы видзӧдлыны прамӧйджыка пионер кост удж вылас да.
