ГӦРДАРМЕЕЧ СЕМЬЯЛЫ ОТСАЛІСНЫ

Кебра вӧлӧсьтын (Сыктыв у.) комсомол ячейка вӧчліс субӧтник гӧрдармееч семьялы отсавны. Чукӧртчылісны квайт комсомолеч, мукӧдыс вӧліны вӧрын да эз вермыны волыныс. Субӧтник вӧчлісны Семен Ӧндрейлы (пиыс армияын, батьыс синтӧм, мамыс пӧрысь, эм монь-дӧва, да уджавныс оз вермы). Уджалысь абу весиг ӧти морт, уджыс эндӧма. Сэтчӧ жӧ юксьӧм пиыс Иваныс (Ӧндрей Иван) ӧбӧдитӧ омӧлик йӧзтӧ, мырддялӧ муяссӧ дай унаысь нин нӧйтлӧма синтӧм стариктӧ. Колӧ жӧ эськӧ дорйыны да. Комсомолечьяс асывнас лэччылісны ытшкыны, а ӧбед бӧрсянь пемыдӧдз вундісны. Войтырыс зэв радӧсь отсӧг сетӧм вылӧ.

Активн. комсомол.