УДЖАЛЫСЬЯС-ИНДАЛЫСЬЯС КОЛӦНЫ

Зэв эськӧ ыджыд Руч вӧлӧсьтыд (Кулӧмдін уезд), да век на зэв пемыд, век на медбӧрын кыссьӧ. Мукӧд вӧлӧсьтъясын мыйкӧ век зільӧны видз-му уджавны выль ногӧн, овмӧс кыпӧдны, а миян Ручын кыдз-мый вермӧны кутчысьӧны пиньнас и гыжнас важ ног уджалӧмӧ.

Дерт, таысь крестьянаӧс ёна мыждыны оз позь, абу налысь вежӧрнысӧ югдӧдысьясыс, найӧс тойлысьясыс. Ручын сэтшӧм йӧзыс абу. Эмӧсь РКП (б) да комсомол ячейка, но некутшӧм удж оз нуны.

Кодлӧн татчӧ могыс, колӧ видзӧдлыны сиктъяс вылад. Колӧ Ручӧ ыстыны бурджык уджалысьясӧс, медводз бурджык избачӧс.

Крапива.